දේශනාවට සවන් දෙන්න (අහන ගමන් කියවන්න)
සීල සමාදානය
{00:00} : පොහෝ දින බුද්ධ පූජාව, අර්ථ දැන සිල් සමාදන් වීම හා භාවනා
මේ පිංවත් පිරිස සීල, සමාධි, ප්‍රඥා ගුණ පූර්ණය කරගෙන නිවන් සාක්ශාත් කරගැනීමේ පරම අධිෂ්ඨානය තබාගෙන, ඒ උතුම් වූ සම්මාසම්බුදු පියාණන් වහන්සේලා අග්‍ර කර මහා සංඝ රත්නයේ මහා ගුණ රුව නිර්මිතව වැඩ සිටිනවා සමාන ගෞරව සිත් ඇතිකරගෙන අග්‍ර මහා පූජාවන් පළමුව සිද්ධ කරන්නයි මේ බලාපොරොත්තු වන්නේ කියා සිහිකරගන්ට ඕනෑ.
අනන්ත – අප්‍රමාණ වූ දිව්‍ය, බ්‍රහ්ම, මනුෂ්‍ය, අමනුෂ්‍ය සතර වරිගයක ඥාති මිත්‍රාදී කොට්ඨාශ වල සියලු ලෝක සත්වයෝද අද මේ මහා පූජෝපහාරයෝ තම තමන් විසින්ද අත-හිත දීගෙන කරන පූජාවන් සමානව සිහිකරගනිත්වා! අත-හිත දීගනිත්වා!
අනන්ත ගුණ ඇති සම්බුදු පියාණන් වහන්සේලා අග්‍ර කර මහා සංඝ රත්නය අභියස පූජා කරනවා සමාන ගෞරවයෙන් පූජා කරගනිත්වා!
අද අප යම් ආකාර වන්නාවූ මේ උතුම් වූ ශාසනික ශාන්තියක් උදාකරගන්නේද, අනන්ත ලෝක සත්වයෝ ද ඒ ශාන්තිය, අමා ශාන්තිය එසේම උදාකරගනිත්වා! සියලු යහපතින්, ජයග්‍රහණයෙන්, අභිවෘධියෙන් යුක්තව නිවන් සාක්ෂාත් කරගනිත්වා!
කියන්නාවූ මේ උතුම් අධිෂ්ඨානය තබලා, ඒ තුන්ලෝකාග්‍ර වූ සම්මාසම්බුදු පියාණන් වහන්සේලාට, උතුම් වූ ශ්‍රී සත්ධර්ම රත්නයට, උතුම් වූ මහා සංඝ රත්නයට මාගේ මේ අග්‍ර වූ, ශ්‍රේෂ්ඨ වූ මහා නමස්කාරය වේවා! කියා සිහි කරගෙන පළමුව නමස්කාර පාඨය සජ්ඣායනා කරන්න සෑම දෙනාම සාධුකාරයක් දෙන්ට…
හොඳයි කවුරුත් නමස්කාර පාඨය සජ්ඣායනා කරන්ට…
(පිරිස නමස්කාර පාඨය සජ්ඣායනා කරයි)
සාධුකාරයක් දෙන්ට…
(පිරිස සාධුකාර දෙයි)
සරණාගමනය සිද්ධ කරගන්ට, මේ සරණ වාක්‍යය සජ්ඣායනා කරන්ට…
බුද්ධං සරණං ගච්ඡාමි
ධම්මං සරණං ගච්ඡාමි
සංඝං සරණං ගච්ඡාමි
දුතියම්පි බුද්ධං සරණං ගච්ඡාමි
දුතියම්පි ධම්මං සරණං ගච්ඡාමි
දුතියම්පි සංඝං සරණං ගච්ඡාමි
තතියම්පි බුද්ධං සරණං ගච්ඡාමි
තතියම්පි ධම්මං සරණං ගච්ඡාමි
තතියම්පි සංඝං සරණං ගච්ඡාමි
ඉතිපි සෝ භගවා අරහං, සම්මාසම්බුද්ධෝ, විජ්ජාචරණසම්පන්නෝ, සුගතෝ, ලෝකවිදූ, අනුත්තරෝපුරිසදම්මසාරථී, සත්ථාදේවමනුස්සානං, බුද්ධෝ, භගවා ති.
ස්වාක්ඛාතෝ භගවතා ධම්මෝ, සංදිට්ඨිකෝ, අකාලිකෝ, ඒහිඵස්සිකෝ, ඕපනයිකෝ, පච්චත්තංවේදිතබ්බෝ විඤ්ඤූහී තී.
සුපටිපන්නෝ භගවතෝ සාවකසංඝෝ, උජුපටිපන්නෝ භගවතෝ සාවකසංඝෝ, ඥායපටිපන්නෝ භගවතෝ සාවකසංඝෝ, සාමීචිපටිපන්නෝ භගවතෝ සාවකසංඝෝ, යදිදං චත්තාරි පුරිස යුගානි අට්ඨ පුරිස පුග්ගලා ඒස භගවතෝ සාවකසංඝෝ ආහුණෙය්‍යෝ, පාහුණෙය්‍යෝ, දක්ඛිණෙය්‍යෝ, අඤ්ජලිකරණෙය්‍යෝ, අනුත්තරං පුඤ්ඤක්ඛෙත්තං ලෝකස්සාතී.
සාධුකාරයක් දෙන්ට…
තුන්ලෝකාග්‍ර වූ සම්මා සම්බුදු පියාණන් වහන්සේලා අග්‍ර කර මහා සංඝරත්නය මහා ගුණ රුව නිර්මිතව වැඩ සිටිනවා සමාන ගෞරව සිත් ඇතිකරගෙන, අනන්ත ගුණ සිහි කරමිනුයි මේ මහා පූජෝපහාරයන් සිද්ධකරන්ට බලාපොරොත්තු වන්නේ කියා සිහිකරගන්ට ඕනෑ.
කරුණා-මෛත්‍රි සිසිල් ජලාශයන් ලොවට විද්‍යාමාන කර විහිදුවා වදාළාවූද, නවලෝකෝත්තර ශ්‍රී සත්ධර්ම රත්නය නැමැති සදහම් අමා පානයන් ලොවට විද්‍යාමාන කර විහිදුවා වදාළාවූද, සම්මා සම්බුදු පියාණන් වහන්සේලාගේ අනන්ත වූ කරුණා මෛත්‍රී සිසිල් ජලාශ ගුණයන්ට, නවලෝකෝත්තර ශ්‍රී සත්ධර්ම රත්න දේශනා නැමැති සදහම් අමා පාන ගුණයන්ට ගෞරව උපහාර පූජා වශයෙන්ද…
ඒ වාගේම ඒ කරුණා-මෛත්‍රී සිසිල් ජලාශයන්, නවලෝකෝත්තර ශී සත්ධර්ම රත්නය නැමැති සදහම් අමා පානයන් ලොවට විද්‍යාමාන කරමින් ගෙන එන මහා සංඝ රත්නයේ අප්‍රමාණ ගුණයට ගෞරව උපහාර පූජා වශයෙන්ද…
සම්මා සම්බුදු පියාණන් වහන්සේලා අග්‍ර කර මහා සංඝ රත්නය අභියස අද මේ සිසිල් පානයන්ගෙන්, ප්‍රණීත පානයන්ගෙන් මහා උපහාර පූජාවක් සිද්ධ කරන්ටයි මේ බලාපොරොත්තු වන්නේ කියා සිහිකරගන්ට ඕනෑ…
සැමදෙනා කෙරෙහි ත්‍රිවිධ රත්නයේ අනන්ත ගුණ සමාධිය පිහිටාවා! දෝත පවිත්‍ර භාවයට වේවා! සිතූ-පැතූ ආකාරයෙන් සිසිල් පානයන්ගෙන්, ප්‍රණීත පානයන්ගෙන් සපිරුණ පැන් බඳුන් අප්‍රමාණව මැවි මැවී විහිදෙමින් සම්බුදු පියාණන් වහන්සේලා අග්‍ර කර මහා සංඝ රත්නයට සියලු ආකාරයෙන් පූර්ණ වූ සිසිල් පාන, ප්‍රණීත පාන පූජාවක් මෙසේ පූජා වේවා! කියා සිහිකරමින් මේ ගාථා රත්නය සජ්ඣායනා කර පූජා කරන්ට සාධුකාරයක් දෙන්ට…
සුගන්ධං සීතලං කප්පං – පසන්න මධුරං සුභං
පානීය මේ තං භගවා – පතිගණ්හාතු මුත්තමං (තෙවරක්)
සාධුකාරයක් දෙන්ට…
තුන්ලෝකාග්‍ර වූ සම්බුදු පියාණන් වහන්සේලා අග්‍ර කර මහා සංඝ රත්නයේ ජීවමානත්වයේ අනන්ත ගුණයට ගෞරව උපහාර පූජා වශයෙන් ආයුෂ, වර්ණය, සැපය, බලය, පටිභාන ඥානය කියන කාරණා පහක් කැටි කළා වන් මහා භෝජන පූජෝපහාරයෝ එසේ සම්බුදු පියාණන් වහන්සේලා අග්‍ර කර මහා සංඝ රත්නය අභියස පූජා කරනවා සමානව ගෞරව උපහාර පූජාවක් සිද්ධ කරන්ටයි මේ බලාපොරොත්තු වන්නේ කියා සිහිකරගන්ට ඕනෑ.
ත්‍රිවිධ රත්නයේ අනන්ත ගුණ සමාධිය සැමදෙනා කෙරෙහි පිහිටාවා! දෝත පවිත්‍ර භාවයට පත්වේවා! සිතූ-පැතූ ආකාරයෙන් අග්‍ර මහා භෝජන පූජාවෝ අප්‍රමාණව මැවි මැවී විහිදෙමින් සම්මා සම්බුදු පියාණන් වහන්සේලා අග්‍ර කර මහා සංඝ රත්නයට සියලු ආකාරයෙන් පූර්ණ වූ අග්‍ර ශ්‍රේෂ්ට මහා භෝජන පූජෝපහාරයක් මෙසේ පූජා වේවා! කියා සිහිකරමින්, මේ ගාථා රත්නය සජ්ඣායනා කර පූජා කරන්ට සාධුකාරයක් දෙන්ට…
අධිවාසේ තුනෝභන්තේ – භෝජනං පරිකප්පිතං
අනුකම්පං උපාදාය – පතිගණ්හාතු මුත්තමං (තෙවරක්)
සාධුකාරයක් දෙන්ට…
ඒ වාගේම පලතුරු, අවුල්පත්, කැවිලි, කිරි-පැණි ආදී සියලු පූජාවෝ සිහිකරලා, නොතැබූවාවූ සියලු පූජාවෝ ද මනෝමය වශයෙන් මව මවා, විහිදුවා, සර්ව සම්පූර්ණ වූ උපනාමික පූජාවක් වශයෙන් මෙසේ පූජාවක් සිද්ධ කරන්ටයි බලාපොරොත්තු වන්නේ කියලා සිහිකරගන්ට ඕනෑ.
පෙර සේම දෝත පවිත්‍ර භාවයට පත්වේවා! සිතූ-පැතූ ආකාරයෙන් පලතුරු, කැවිලි, අවුල්පත්, කිරි-පැණි ආදී සියලු පූජාවෝ අප්‍රමාණ ව මැවි මැවී විහිදෙමින්, සම්බුදු පියාණන් වහන්සේලා අග්‍ර කර මහා සංඝ රත්නයට සියලු ආකාරයෙන් පූර්ණ වූ උපනාමික පූජෝපහාරයක් මෙසේ පූජා වේවා! කියා සිහිකරමින් මේ ගාථා රත්නය සජ්ඣායනා කර පූජා කරන්ට සාධුකාරයක් දෙන්ට.
අධිවාසේ තුනෝභන්තේ – භෝජනං උපනාමිතං
අනුකම්පං උපාදාය – පතිගණ්හාතු මුත්තමං (තෙවරක්)
සාධුකාරයක් දෙන්ට…
අප්‍රමාණ ශ්‍රී මුඛ සුගන්ධවත් දහම් වදන්, ගුණ වදන් ලොවට විද්‍යාමාන කර වදාළ සම්බුදු පියාණන් වහන්සේලාගේ අනන්ත වූ ශ්‍රී මුඛ සුගන්ධ ගුණයට ගෞරව උපහාර පූජා වශයෙන්ද, ඒ වාගේම ඒ සුගන්ධවත් දහම් වදන්, ගුණ වදන් ලොවට විද්‍යාමාන කරමින් ගෙන එන මහා සංඝරත්නයේ උතුම් අප්‍රමාණ මුඛ සුගන්ධ ගුණයට ගෞරව උපහාර පූජා වශයෙන්ද, සම්බුදු පියාණන් වහන්සේලා අග්‍ර කර මහා සංඝරත්නය අභියස අද මේ ඖෂධීය සුගන්ධවත් දැහැත් පූජාවන් ගෙන් මෙවන් උපහාර පූජාවක් සිද්ධ කරන්නටයි මේ බලාපොරොත්තු වන්නේ කියා සිහිකරගන්ට ඕනෑ.
සැමදෙනාගේ දෝත පවිත්‍ර භාවයට පත්වේවා! හිතූ-පැතූ ආකාරයෙන් ඖෂධීය සුගන්ධවත් දැහැත් පූජාවෝ අප්‍රමාණව මැවි මැවී විහිදෙමින් සම්බුදු පියාණන් වහන්සේලා අග්‍ර කර මහා සංඝ රත්නයට සියලු ආකාරයෙන් පූර්ණ වූ අග්‍ර ශ්‍රේෂ්ට ඖෂධීය සුගන්ධවත් දැහැත් පූජාවක් මෙසේ පූජා වේවා! කියා සිහි කරමින් මේ ගාථා රත්නය සජ්ඣායනා කර පූජා කරන්න සාධුකාර දෙන්ට…
නාගවල්ලී දලූපේතං – චුන්න පූග සමායුතං
තාම්බූලං පතිගණ්හාතු – සතං පූජේමි දංජිනෝ (තෙවරක්)
සාධුකාරයක් දෙන්ට…
ඒවාගේම මහා දහම් ඖෂධ, ගුණ ඖෂධ ලොවට විද්‍යාමාන කර විහිදුවා වදාළාවූ සම්බුදු පියාණන් වහන්සේලාගේ අප්‍රමාණ ඖෂධ ධර්ම දාන ගුණයට ගෞරව උපහාර පූජා වශයෙන්ද, ඒ වාගේම ඒ දහම් ඖෂධ, ගුණ ඖෂධ ලොවට විද්‍යාමාන කරමින් ගෙන එන මහා සංඝ රත්නයේ උතුම් ඖෂධ ධර්ම දාන ගුණයට ගෞරව උපහාර පූජා වශයෙන්ද, සම්බුදු පියාණන් වහන්සේලා අග්‍ර කර මහා සංඝ රත්නයට මහා ඖෂධ පූජාවන්ගෙන් අග්‍ර මහා උපහාර පූජාවක් සිද්ධ කරන්නටයි මේ බලාපොරොත්තු වන්නේ කියා සිහිකරගන්ට ඕනෑ.
ත්‍රිවිධ රත්නයෙහි අනන්ත ගුණ සමාධිය සැමදෙනා කෙරෙහි පිහිටාවා! දෝත පවිත්‍ර භාවයට පත්වේවා! සිතූ පැතූ ආකාරයෙන් මහා ඖෂධ පූජාවෝ අප්‍රමාණව මැවි මැවී විහිදෙමින් සම්බුදු පියාණන් වහන්සේලා අග්‍ර කර මහා සංඝ රත්නයට සියලු ආකාරයෙන් පූර්ණ වූ මහා ඖෂධ පූජාවක් මෙසේ පූජා වේවා! කියා සිහිකරමින්, මේ ගාථා රත්නය සජ්ඣායනා කර පූජා කරන්න සාධුකාරයක් දෙන්ට…
අධිවාසේ තුනෝභන්තේ – භේසජ්ජං පරිකප්පිතං
අනුකම්පං උපාදාය – පතිගණ්හාතු මුත්තමං (තෙවරක්)
සාධුකාරයක් දෙන්ට…
ඒ වාගේම ආර්ය අෂ්ඨාංගික මාර්ගය නැමැති නව ලෝකෝත්තර ශ්‍රී සත්ධර්මය ලොවට විද්‍යාමාන කර විහිදුවා වදාළාවූද, අෂ්ඨාර්ය පුද්ගල මහා සංඝ පරම්පරාවක් ලොව පහලකර වදාළාවූද සම්බුදු පියාණන් වහන්සේලාගේ අප්‍රමාණ ගුණයන්ට ගෞරව උපහාර පූජා වශයෙන්ද, ඒ වාගේම ඒ ආර්ය අෂ්ඨාංගික මාර්ගය නැමැති නව ලෝකෝත්තර ශ්‍රී සත්ධර්ම රත්නය ලොවට විද්‍යාමාන කරමින් ගෙන එන්නාවූද අෂ්ඨාර්ය පුද්ගල මහා සංඝ පරම්පරාවක් ලොව පහල කරගෙන ඉන්නාවූද මහා සංඝ රත්නයේ අනන්ත ගුණයන්ට ගෞරව උපහාර පූජා වශයෙන්ද, සම්බුදු පියාණන් වහන්සේලා අග්‍ර කර මහා සංඝ රත්නයට සියලු ආකාරයෙන් පූර්ණ වූ මහා අටපිරිකර පූජාවක් මෙසේ පූජා කරන්නටයි බලාපොරොත්තු වන්නේ කියා සිහිකරගන්ට ඕනෑ.
සැම දෙනා කෙරෙහි ත්‍රිවිධ රත්නයෙහි අනන්ත ගුණ සමාධිය උදා වේවා! ඒ වාගේම දෝත පවිත්‍ර භාවයට පත්වේවා! සිතූ පැතූ ආකාරයෙන් ශ්‍රේෂ්ඨ අන්දමින්ම, ඒ ආකාර වන්නාවූ මහා අටපිරිකර පූජාවෝ අප්‍රමාණව මැවි මැවී විහිදෙමින්, සම්බුදු පියාණන් වහන්සේලා අග්‍ර කර මහා සංඝ රත්නයට සියලු ආකාරයෙන් පූර්ණ වූ මහා අටපිරිකර පූජාවක් මෙසේ පූජා වේවා! කියා සිහි කරමින් මේ ගාථා රත්නය සජ්ඣායනා කර පූජා කරන්නට කවුරුත් සාධුකාරයක් දෙන්ට…
අධිවාසේ තුනෝභන්තේ – අට්ඨ පරික්කාරං පරිකප්පිතං
අනුකම්පං උපාදාය – පතිගණ්හාතු මුත්තමං (තෙවරක්)
සාධුකාරයක් දෙන්ට…
ඒ වාගේම මෙසේ පූජා නොකළාවූ සෑම සියලු පූජාවක් ම මනෝමය වශයෙන් මව මවා, විහිදුවා, සර්ව සම්පූර්ණ මහා පූජාවක් සේ පූජා කරන්නටයි බලාපොරොත්තු වන්නේ කියා ද සිහිකරගන්ට ඕනෑ. සැමදෙනා කෙරෙහි ත්‍රිවිධ රත්නයෙහි අනන්ත ගුණ සමාධිය පිහිටාවා! දෝත පවිත්‍ර භාවයට පත්වේවා! සිතූ පැතූ ආකාරයෙන් පහන් ආලෝක, සුවඳ දුම්, සුවඳ මල්, ආදී පූජාවෝ ද කොඩි, වියන්, සේසත්, වටතිර ආදී සියලු පූජාවෝද, සියලුම ආකාර චීවර, පිණ්ඩපාත, සේණාසන, ගිලානප්‍රත්‍යය යන සියලු සිවුපස පූජාවෝද අප්‍රමාණව මැවි මැවී විහිදෙමින් සම්බුදු පියාණන් වහන්සේලා අග්‍ර කර මහා සංඝ රත්නයට සියලු ආකාරයෙන් පූර්ණ වූ, සර්ව සම්පූර්ණ මහා පූජාවක් මෙසේ පූජා වේවා! කියා සිහිකරගෙන මේ ගාථා රත්නය සජ්ඣායනා කර සියල්ල එකවිට පූජා කරන්ට, සාධුකාරයක් දෙන්ට…
අධිවාසේ තුනෝ භන්තේ – සබ්බං සද්ධාය පූජිතං
අනුකම්පං උපාදාය – පතිගණ්හාතු මුත්තමං (තෙවරක්)
සාධුකාරයක් දෙන්ට…
උතුම් සම්මා සම්බුදු පියාණන් වහන්සේලා උදෙසා වේවා, උතුම් වූ ශ්‍රී සත්ධර්ම රත්නය උදෙසා වේවා, උතුම් මහා සංඝ රත්නය උදෙසා වේවා, ලොව කවරකු උදෙසා වේවා සිත, කය, වචනය යන ද්වාරත්‍රයෙන් කවදා හෝ පටන් මේ මොහොත දක්වා අංශු මාත්‍ර වරදක්, ප්‍රමාද දෝෂයක් වී ඇත්ද, ඒ සෑම සියල්ලම මේ මොහොතේ කමා කරනවා කියා සිහිකරගන්ට ඕනෑ.
ඒ වාගෙම මින් මතු අප අතින් අවැඩක්, අසාධාරණයක්, වරදක්, ප්‍රමාද දෝෂයක් කිසි කෙනෙක් කෙරෙහි සිද්ධ නොවෙත්වා! උතුම් සම්මා සම්බුද්ධ සාසනය කෙරෙහි අංශු මාත්‍ර වශයෙන් වත් සිද්ධ නොවෙත්වා! කියන අධිෂ්ඨාන තබාගෙන, අප්‍රමාදව නිවන් සාක්ෂාත් කරගන්න මාර්ගය පෑදේවා! කියන්නාවූ අධිෂ්ඨානයෙන් යුක්තව, සියලු වැරදි, ප්‍රමාද දෝෂයෝ සම්මා සම්බුදු පියාණන් වහන්සේලා අග්‍ර කර, මහා සංඝ රත්නය අභියස මෙසේ කමා කරනවා යන අධිෂ්ඨානයෙන් යුක්තව මේ ගාථා රත්නය සජ්ඣායනා කර කමා කරන්ට, සාධුකාරයක් දෙන්ට…
කායේන වාචා චිත්තේන – පමාදේන මයාකතං
අච්ඡයං ඛමමේ භන්තේ – භූරි පඤ්ඤ තථාගත (තෙවරක්)
සාධුකාරයක් දෙන්ට…
අද මේ පිංවත් පිරිස ඒ සම්මා සම්බුදු පියාණන් වහන්සේලා අග්‍ර කර මහා සංඝ රත්නය මහා ගුණ රුවින් නිර්මිතව වැඩ සිටිනවා සමාන ගෞරව සිත් ඇති කරගෙන, අග්‍ර මහා වන්දනාමාන, පූජා සත්කාරයන් සිද්ධ කරලා, ත්‍රිවිධ රත්නයේ අනන්ත ගුණ සිහි කරගනිමින්, ඒ වාගේම චිත්ත ප්‍රබෝධයෙන්, ප්‍රසාදයෙන් යුක්තව මේ සම්මා සම්බුද්ධ ශාසනය තූළ දැන් ගත කරන්නේ. එබඳු වන්නාවූ උතුම් ගුණයෙන් යුක්ත වෙලා බලාපොරොත්තු වන්නේ අද පෙහෙවස් සමාදානයෙන් යුක්තව, සීල සමාධි ප්‍රඤා ගුණ පූර්ණය කරගෙන නිවන් සාක්ෂාත් කරගැනීමටයි කියා අධිෂ්ඨාන කරගන්ට ඕනෑ.
එකින් එක ශික්ෂා පදයන් අර්ථවත් ව වටහාගෙනයි අද සමාදන් වෙන්නේ කියා සිහිකරගන්ට ඕනෑ. “ධම්මෝච යථා ධම්මෝ, යථා අත්ථෝ තථා පටිපජ්ඣීතබ්බංති…” ආදී සම්මා සම්බුද්ධ දේශනාව පරිදි ධර්මය ධර්මය හැටියට වටහාගෙන, අර්ථවත් ව වටහාගෙන, ඊට අනුකූලව පිළිපදිනවා කියා සිහිකරගන්ට ඕනෑ, අධිෂ්ඨාන කරගන්ට ඕනෑ.
පළවෙනි ශික්ෂා පදය මෙසේ වටහාගන්ට ඕනෑ, “පාණාතිපාතා වේරමණී” සික්ඛාපදය මෙසේ තේරුම්ගන්ට ඕනෑ. ජීවිතාන්තය තෙක් ඒ රහතන් වහන්සේ පර පණ නැසීමෙන් වෙන්ව, පර පණ නැසීම අතහැර, බහා තැබූ දඬු මුගුරු ඇතුව, බහා තැබූ දැල් උගුල් ආයුධ ඇතුව, පාපයට ලැජ්ජා ඇතිව, බිය ඇතිව, දයාවට පැමිණ, සියලු ප්‍රාණ භූතයන් කෙරෙහි හිතානුකම්පාවෙන් වාසය කරන්නේය. උන්වහන්සේ අනුගමනය කරන්නාවූ මම ද පර පණ නැසීමෙන් වෙන්ව, පර පණ නැසීම අතහැර, බහා තැබූ දඬු මුගුරු ඇතුව, බහා තැබූ දැල්, උගුල්, ආයුධ ඇතුව, පාපයට ලැජ්ජා ඇතිව, බිය ඇතිව, දයාවට පැමිණ, සියලු ප්‍රාණ භූතයන් කෙරෙහි හිතානුකම්පාවෙන් වාසය කරමි. මේ පළවෙනි ශික්ෂාපදයෙන් ද මම ඒ රහතන් වහන්සේ අනුගමනය කරම්, මේ මාගේ පළමුවන සික්ඛා පදයයි! කියලා තමන් අධිෂ්ඨාන කරගත්ත කාලය සිහි කරගෙන, ඒ කාලය තුළ මේ සික්ඛා පදය නොකඩකොට ආරක්ෂා කරගන්න දැඩි අධිෂඨානයක් තබාගන්නවා කියා සිහි කරගනිමින්, මේ සික්ඛා පදය දේශනා කළ පසු සජ්ඣායනා කර සමාදන් වෙන්න බලාපොරොත්තුවෙන් සාධුකාරයක් දෙන්ට…
පාණාතිපාතා වේරමණී සික්ඛා පදං සමාදියාමි
සාධු! සාධු! සාධු! මේ පිංවතුන් පළමුවැනි ශික්ෂා පදය තමන් ඒ අධිෂ්ඨාන කරගත්ත කාලය තුළ ආරක්ෂා කරගන්න බලාපොරොත්තුවෙන් සමාදන් වුනා කියා සිහිකරගන්ට ඕනෑ. දෙවෙනි සික්ඛා පදය මෙසේ වටහාගන්ට ඕනෑ.
“අදින්නාදානා වේරමණී” සික්ඛාපදය මෙසේ තේරුම්ගන්ට ඕනෑ. ජීවිතාන්තය තෙක් ඒ රහතන් වහන්සේ නොදුන් දේ ගැනීමෙන් වෙන්ව, නොදුන් දේ ගැන්ම අතහැර, දෙන දෙයක්ම ගන්නේ, දුන් දේම බලාපොරොත්තු ඇතිව, පිරිසිදු වූ ආත්ම පරිහරණයෙන් යුතුව වාසය කරන්නේය. උන්වහන්සේ අනුගමනය කරන්නාවූ මමද නුදුන් දේ ගැන්මෙන් වෙන්ව, නුදුන් දේ ගැන්ම අතහැර, දෙන දෙයක්ම ගන්නේ, දුන් දේ ම බලාපොරොත්තු ඇතුව, පිරිසිදු වූ ආත්ම පරිහරණයකින් යුතුව වාසය කරමි, මේ කියන්නාවූ දෙවෙනි සික්ඛා පදයෙන් ද මම ඒ රහතන් වහන්සේ අනුගමනය කරමි, මේ මාගේ දෙවෙනි සික්ඛා පදයයි කියලා තමන් අධිෂ්ඨාන කරගත්ත කාලය සිහිකරගෙන, ඒ කාලය තුළ මේ දෙවෙනි සික්ඛා පදයද නොකඩ කොට ආරක්ෂා කරගන්න දැඩි අධිෂ්ඨානයක් තබාගන්නවා කියා සිහිකරගෙන, මේ සික්ඛා පදයද දේශනා කළ පසු සජ්ඣායනා කර සමාදන් වෙන්න බලාපොරොත්තුවෙන් සාධුකාරයක් දෙන්ට…
අදින්නාදානා වේරමණී සික්ඛා පදං සමාදියාමි.
සාධු! සාධු! සාධු! මේ පිංවතුන් අද ශික්ෂා පද දෙකක් මෙසේ අධිෂ්ඨාන කරගත්තා, කාලය පරිදි සමාදන් වුනා කියා සිහිකරගන්ට ඕනෑ. ඒ වාගෙම තුන්වැනි ශික්ෂා පදය, “අබ්‍රහ්මචරියා වේරමණී” සික්ඛා පදය මෙසේ වටහාගන්ට ඕනෑ.
ජීවිතාන්තය තෙක් ඒ රහතන් වහන්සේ අබ්‍රහ්මචරියාවෙන් වෙන්ව, අබ්‍රහ්මචරියාව අතහැර බ්‍රහ්මචාරී වූයේ නීච වු, ග්‍රාම්‍ය වූ කාම ධර්මයන්ගෙන් වෙන්ව උතුම් වූ බ්‍රහ්මචාරී ගුණයෙන් යුතුව වාසය කරන්නේය. උන්වහන්සේ අනුගමනය කරන්නාවූ මමද අබ්‍රහ්මචරියාවෙන් වෙන්ව, අබ්‍රහ්මචරියාව අතහැර බ්‍රහ්මචාරී වූයෙම්, නීච වූ ග්‍රාම්‍ය වූ කාම ධර්මයන්ගෙන් වෙන්ව, උතුම් වූ බ්‍රහ්මචාරී ගුණයෙන් යුතුව වාසය කරමි. මේ තුන්වැනි සික්ඛා පදයෙන්ද මම ඒ රහතන් වහන්සේ අනුගමනය කරමි, එය මාගේ තුන්වැනි සික්ඛා පදයයි. කියලා තමං අධිෂ්ඨාන කරගත්ත කාලය සිහිකරගෙන, ඒ කාලය තුළ මේ සික්ඛා පදය නොකඩ කොට ආරක්ෂා කරගන්න දැඩි අධිෂ්ඨානයක් තබාගන්නවා කියා සිහිකරගෙන, මේ සික්ඛා පදයද දේශනා කළ පසු සමාදන් වෙන්න බලාපොරොත්තුවෙන් සාධුකාරයක් දෙන්ට…
අබ්‍රහ්මචරියා වේරමණී සික්ඛා පදං සමාදියාමි.
සාධු! සාධූ! සාධූ! මේ පිංවතුන් ශික්ෂා පද තුනක් මෙසේ සමාදන් වුනා, අධිෂ්ඨාන කරගත්තා, කාලයේ පරිදි සමාදන් වුනා කියලා සිහිකරගන්ට ඕනෑ.
ඒ වගේම හතරවෙනි ශික්ෂා පදය “මුසාවාදා වේරමණී” සික්ඛාපදය මෙසේ තේරුම්ගන්ට ඕනෑ. ජීවිතාන්තය තෙක් ඒ රහතන් වහන්සේ මුසාවාදයෙන් වෙන්ව, මුසාවාදය අතහැර, සත්‍යවාදී වූයේ, සත්‍යයෙන් සත්‍යය ගලපා කතා කරන කතා ඇතිව, සත්‍යවාදීව වාසය කරන්නේය. උන්වහන්සේ අනුගමනය කරන්නාවූ මමද මුසාවාදයෙන් වෙන්ව, මුසාවාදය අතහැර සත්‍යවාදී වූවෙම්, සත්‍යයෙන් සත්‍යය ගලපා කතා කරන කතා ඇතුව, සත්‍යවාදීව වාසය කරමි. මේ සතරවෙනි සික්ඛා පදයෙන්ද මම ඒ රහතන් වහන්සේ අනුගමනය කරමි. මෙය මාගේ සතරවැනි සික්ඛා පදයයි කියලා තමන් අධිෂ්ඨාන කරගත්ත කාලය සිහිකරගෙන, ඒ කාලය තුළ මේ සික්ඛා පදයද නොකඩ කොට ආරක්ෂා කරගන්න දැඩි අධිෂ්ඨානයක් තබාගන්නවා කියලා සිහිකරගෙන, මේ සික්ඛා පදයද දේශනා කළ පසු සජ්ඣායනා කර සමාදන් වෙන්න බලාපොරොත්තුවෙන් සාධුකාරයක් දෙන්ට…
මුසාවාදා වේරමණී සික්ඛා පදං සමාදියාමි.
සාධූ! සාධූ! සාධූ! මේ පිංවතුන් ශික්ෂා පද හතරක් මෙසේ තමන් අධිෂ්ඨාන කරගත්ත කාලය පරිදි ආරක්ෂා කරගන්න බලාපොරොත්තුවෙන් සමාදන් වුනා කියා සිහිකරගන්ට ඕනෑ. එසේම පස්වැනි සික්ඛා පදය මෙසේ තේරුම්ගන්ට ඕනෑ.
“සුරාමේරය මජ්ඣපමාදට්ඨානා වේරමණී” සික්ඛාපදය මෙසේ වටහාගන්ට ඕනෑ. ජීවිතාන්තය තෙක් ඒ රහතන් වහන්සේ මදයට හේතුවෙන, ප්‍රමාදයට හේතුවෙන, ලොව අල්ලාගැනීමට හේතුවෙන යම් සුරාවක් ඇත්ද, යම් මේරයක් ඇත්ද, ඒ සියලු සුරාවන්ගෙන්, සියලු මේරයන්ගෙන් වෙන්ව, නිවනට හිත පිහිටුවා වාසය කරන්නේය. උන්වහන්සේ අනුගමනය කරන්නාවූ මමද මදයට හේතුවෙන, ප්‍රමාදයට හේතුවෙන, ලොව අල්ලාගැනීමට හේතුවෙන යම් සුරාවක්, යම් මේරයක් ඇත්ද, ඒ සියලු සුරාවන්ගෙන්, සියලු මේරයන්ගෙන් වෙන්ව නිවනට හිත පිහිටුවා වාසය කරමි.
මෙබඳු ආකාරයෙන් මේ පස්වන සික්ඛා පදයට අනුකූලව අනුගමනය කරමින්, මෙය මාගේ පස්වැනි සික්ඛා පදයයි කියලා තමන් අධිෂ්ඨාන කරගත්ත කාලය සිහිකරගෙන, ඒ කාලය තුළ මේ සික්ඛා පදය නොකඩ කොට ආරක්ෂා කරගන්න දැඩි අධිෂ්ඨානයෙන් සමාදන් වෙනවා කියා සිහිකරගෙන, මේ සික්ඛා පදයද දේශනා කළ පසු සජ්ඣායනා කර සමාදන්වෙන්න බලාපොරොත්තුවෙන් සාධුකාරයක් දෙන්ට…
සුරාමේරය මජ්ඣපමාදට්ඨානා වේරමණී සික්ඛාපදං සමාදියාමි.
සාධු! සාධු! සාධු! මේ පිංවතුන් ශික්ෂා පද පහක් මෙසේ තමන් අධිෂ්ඨාන කරගත්ත කාලය පරිදි ආරක්ෂා කරගන්න බලාපොරොත්තුවෙන් සමාදන් වුනා කියා සිහිකරගන්ට ඕනෑ.
ඒ වාගෙම හයවෙනි සික්ඛා පදය, “විකාල භෝජනා වේරමණී” සික්ඛා පදය මෙසේ වටහාගන්ට ඕනෑ. ජීවිතාන්තය තෙක් ඒ රහතන් වහන්සේ විකාල භෝජනයෙන් වෙන්ව, විකාල භෝජනය අතහැර, කාලයට ගැලපෙන භෝජන පරිභෝගයෙන් යුක්ත වන්නේ, පස්වරු භෝජනයන්ගෙන්, රාත්‍රී භෝජනයන්ගෙන් වෙන්ව වාසය කරන්නේය. උන්වහන්සේ අනුගමනය කරන්නාවූ මමද, විකාල භෝජනයෙන් වෙන්ව, විකාල භෝජනය අතහැර කාලයට ගැලපෙන භෝජන පරිභෝගයෙන් යුක්ත වන්නේ, පස්වරු භෝජනයන්ගෙන්, රාත්‍රී භෝජනයන්ගෙන් වෙන්ව වාසය කරමි.
මේ කියන්නාවූ සයවැනි සික්ඛා පදයෙන්ද මම ඒ රහතන් වහන්සේ අනුගමනය කරමි. මේ මාගේ සයවැනි සික්ඛා පදයයි, කියලා තමන් අධිෂ්ඨාන කරගත්ත කාලය සිහිකරගෙන, ඒ කාලය තුළ මේ සික්ඛා පදය නොකඩ කොට ආරක්ෂා කරගන්න දැඩි අධිෂ්ඨානයක් තබාගන්නවා කියා සිහිකරගෙන, මේ සික්ඛා පදයද දේශනා කළ පසු සජ්ඣායනා කර සමාදන් වෙන්න බලාපොරොත්තුවෙන් සාධුකාරයක් දෙන්ට…
විකාල භෝජනා වේරමණී සික්ඛා පදං සමාදියාමි.
සාධූ! සාධූ! සාධූ! මේ පිංවතුන් ශික්ෂා පද හයක් තමන් අධිෂ්ඨාන කරගත්ත කාලය පරිදි ආරක්ෂා කරගන්න බලාපොරොත්තුවෙන් සමාදන් වුනා කියා සිහිකරගන්ට ඕනෑ.
සත්වැනි සික්ඛා පදය මෙසේ වටහාගන්ට ඕනෑ. “නච්ච ගීත වාදිත විසූක දස්සන මාලා ගන්ධ විලේපන දාරණ මණ්ඩන විභූසනට්ඨානා වේරමණී” සික්ඛා පදය මෙසේ තේරුම්ගන්ට ඕනෑ. ජීවිතාන්තය තෙක් ඒ රහතන් වහන්සේ නැටුම්, ගැයුම්, වැයුම්, විසුළු දැකුම්, මල් ගඳ විලවුන් දැරීම්, සැරසීම්, අඩුතැන් පිරවීම් ආදී කාය සැරසිලි, කාය අලංකාරයන්ගෙන් වෙනව, ඉන්ද්‍රිය සංවර භාවයෙන් යුතුව වාසය කරන්නේය. උන්වහන්සේ අනුගමනය කරන්නාවූ මමද නැටුම් ගැයුම් වැයුම් විසුළු දැකුම් මල් ගඳ විලවුන් දැරීම් සැරසීම් අඩුතැන් පිරවීම් ආදී කාය සැරසිලි කාය අලංකාරයන්ගෙන් වෙන්ව, ඉන්ද්‍රිය සංවංර භාවයෙන් යුතුව වාසය කරමි. මේ කියන්නාවූ සත්වැනි ශික්ෂා පදයෙන්ද මම ඒ රහතන් වහන්සේ අනුගමනය කරමි. මේ මාගේ සත්වැනි ශික්ෂා පදයයි කියලා තමන් අධිෂ්ඨාන කරගත්ත කාලය සිහි කරගෙන ඒ කාලය තුළ නොකඩ කොට ආරක්ෂා කරගන්න දැඩි අධිෂ්ඨානයක් තබාගන්නවා කියලා සිහිකරගෙන, මේ සික්ඛා පදය කොටසින් කොටස දේශනා කරනවා, කොටසින් කොටස සජ්ඣායනා කරමින් සමාදන් වෙන ලෙස බලාපොරොත්තුවෙන් සාධුකාරයක් දෙන්ට…
නච්ච ගීත වාදිත විසූක දස්සන මාලා ගන්ධ විලේපන ධාරණ මණ්ඩන විභූසනට්ඨානා වේරමණී සික්ඛා පදං සමාදියාමි.
සාධූ! සාධූ! සාධූ! මේ සියලු ම ශික්ෂා පද, මේ ආකාරයෙන් ශික්ෂා පද හතක් සමාදන් වුනා කියා සිහිකරගන්න ඕනෑ. තමන් අධිෂ්ඨාන කරගත්තාවූ කාලයේ පරිදි ආරක්ෂා කරගන්න බලාපොරොත්තුවෙන් සමාදන් වුනා කියා සිහිකරගන්ට ඕනෑ.
ඒ වාගෙම අටවැනි ශික්ෂා පදය මෙසේ වටහාගන්ට ඕනෑ. “උච්ඡා සයන මහා සයනා වේරමණී” සික්ඛා පදය මෙසේ තේරුම්ගන්ට ඕනෑ. ජීවිතාන්තය තෙක් ඒ රහතන් වහන්සේ උච්ඡා සයනයෙන් වෙන්ව, මහා සයනයෙන් වෙන්ව, උච්ඡා සයන – මහා සයන අතහැර නිහතමානී වූයේ, මැස්සක්, තණ ඇතිරියක්, පත්කඩක් වැනි දේ ඇසුරු කරමින් නිහතමානී වාසයෙන් යුතුව වාසය කරන්නේය. උන්වහන්සේ අනුගමනය කරන්නාවූ මමද උච්ඡා සයනයෙන් වෙන්ව, මහා සයනයෙන් වෙන්ව, උච්ඡා සයන – මහා සයන අතහැර නිහතමානී වූයෙම්, මැස්සක් තණ ඇතිරියක් පත්කඩක් වැනි දේ ඇසුරු කරමින් නිහතමානී වාසයෙන් යුක්තව වාසය කරමි. මේ කියන්නාවූ අටවැනි ශික්ෂා පදයෙන්ද මම ඒ රහතන් වහන්සේ අනුගමනය කරමි. මෙය මාගේ අටවැනි සික්ඛා පදයයි, කියලා තමන් අධිෂ්ඨාන කරගත්ත කාලය සිහිකරගෙන, ඒ කාලය තුළ මේ සික්ඛා පදය නොකඩ කොට ආරක්ෂා කරගන්න දැඩි අධිෂ්ඨානයක් තබාගන්නවා කියා සිහිකරගෙන, මේ සික්ඛා පදයද දේශනා කළ පසු සජ්ඣායනා කර සමාදන් වෙන්න බලාපොරොත්තුවෙන් සාධුකාරයක් දෙන්ට…
උච්චාසයන මහාසයනා වේරමණී සික්ඛා පදං සමාදියාමි.
සාධූ! සාධූ! සාධූ! මේ පිංවතුන් අෂ්ඨාංග උපෝසත සූත්‍රාන්තයන්ට අනුකූලවයි මේ පෙහෙවස් සමාදානය සිද්ධ කරගත්තේ කියා සිහිකරගන්ට ඕනෑ. {{ත්‍රිපිටක සූචිය}}
සම්මා සම්බුදු පියාණන් වහන්සේ දේශනා කර වදාරනවා මෙබඳු වන්නාවූ සික්ඛා අටකට නවවැන්නක් එක්කරන්නේද, මහත්ඵලයි, මහානිසංසයි, මහත් පැතිරීම් සහිතයි, මහත් බැබලීම් සහිතයි, අග්‍රයි, ශ්‍රේෂ්ඨයි කියා නොයෙක් ආකාරයෙන් වර්ණනා කර, “මෙත්තේන චිත්තේන විහාරාමි” යනුවෙන් දේශනා කළාවූ ඒ සික්ඛාවද {{ ත්‍රිපිටක සූචිය }} මෙසේ සමාදන් වෙනවා කියා සිහිකරගනිමින්, එසේ ද සමාදන් වෙන්න බලාපොරොත්තුවෙන් සාධුකාරයක් දෙන්ට…
මෙත්තේන චිත්තේන විහාරාමී.
සාධු! සාධූ! සාධූ! මේ පිංවතුන් නවාංග උපෝසථ සූත්‍රාන්තයන්ට අනුකූලවයි මේ පෙහෙවස් සමාදානය අද සිද්ධකරගත්තේ කියා සිහිකරගන්ට ඕනෑ. එසේ අප්‍රමාණ ලෝක සත්වයින්ට අප්‍රමාණ වන්නාවූ මෛත්‍රිය වඩමින්, පතුරුවමින් අද අනන්ත යහපතක් උදාකරනවා කියා ද සිහිකරගනිමින්, ඒ අනන්ත ලෝක සත්වයන්ට සුළු මොහොතක් හෝ මේ පළමු අවස්ථාවේදී එසේ මෙත් සිතක් පතුරුවන්න බලාපොරොත්තුවෙන් මේ කර්මස්ථානය සජ්ඣායනා කරන්න බලාපොරොත්තුවෙන්, දේශනා කළ පසු සජ්ඣායනා කරමින් මේ කර්මස්ථානය වඩන්න බලාපොරොත්තුවෙන් සාධුකාරයක් දෙන්ට…
පෙර දිග වසන සත්වයෝද – පෙර අනුදිග වසන සත්වයෝද,
දකුණු දිග වසන සත්වයෝද – දකුණු අනුදිග වසන සත්වයෝද,
පසු දිග වසන සත්වයෝද – පසු අනුදිග වසන සත්වයෝද,
උතුරු දිග වසන සත්වයෝද – උතුරු අනුදිග වසන සත්වයෝද,
යට දිග වසන සත්වයෝද – උඩ දිග වසන සත්වයෝද,
මේ මමද, සියලු සත්වයෝ…
සංසාර දුකෙන් මිදෙත්වා!
සංසාර රෝගයෙන් මිදෙත්වා!
සංසාර භයෙන් මිදෙත්වා!
සංසාර ගින්නෙන් මිදෙත්වා!
සංසාර දාහයෙන් මිදෙත්වා!
සංසාර සෝකයෙන් මිදෙත්වා!
සංසාර රාගයෙන් මිදෙත්වා!
සංසාර බැම්මෙන් මිදෙත්වා!
සංසාර සයුරෙන් මිදෙත්වා!
සංසාර කතරෙන් මිදෙත්වා!
සංසාර අඳුරෙන් මිදෙත්වා!
නිබ්බාන පරම සුඛයෙන් සුඛිතතර වෙත්වා!
නිබ්බාන පරම සුඛයෙන් සුඛිතතර වෙත්වා!
නිබ්බාන පරම සුඛයෙන් සුඛිතතර වෙත්වා!
මේ සසර පැවැත්මක් වන්නේද, මහා දුක් කඳ වන්නේය,
මේ සසර පැවැත්මක් නොවන්නේද, මහා දුක් කඳ නොවන්නේය,
මමද සියලු සත්වයෝ මහා දුක් කඳ දෙවන සසරෙන් මිදෙත්වා!
මේ සසර පැවැත්මක් වන්නේද, මහා රෝග කඳ වන්නේය,
මේ සසර පැවැත්මක් නොවන්නේද, මහා රෝග කඳ නොවන්නේය,
මමද සියලු සත්වයෝ මහා රෝග කඳ දෙවන සසරෙන් මිදෙත්වා!
මේ සසර පැවැත්මක් වන්නේද, මහා භය කඳ වන්නේය,
මේ සසර පැවැත්මක් නොවන්නේද, මහා භය කඳ නොවන්නේය,
මමද සියලු සත්වයෝ මහා භය කඳ දෙවන සසරෙන් මිදෙත්වා!
මේ සසර පැවැත්මක් වන්නේද, මහා ජරා කඳ වන්නේය,
මේ සසර පැවැත්මක් නොවන්නේද, මහා ජරා කඳ නොවන්නේය,
මමද සියලු සත්වයෝ මහා ජරා කඳ දෙවන සසරෙන් මිදෙත්වා!
මේ සසර පැවැත්මක් වන්නේද, මහා ව්‍යාධි කඳ වන්නේය,
මේ සසර පැවැත්මක් නොවන්නේද, මහා ව්‍යාධි කඳ නොවන්නේය,
මමද සියලු සත්වයෝ මහා රෝග ව්‍යාධි දෙවන සසරෙන් මිදෙත්වා!
මේ සසර පැවැත්මක් වන්නේද, මහා මරණ කඳ වන්නේය,
මේ සසර පැවැත්මක් නොවන්නේද, මහා මරණ කඳ නොවන්නේය,
මමද සියලු සත්වයෝ මහා මරණ කඳ දෙවන සසරෙන් මිදෙත්වා!
මේ සසර පැවැත්මක් වන්නේද, මහා හද ගිණි කඳ වන්නේය,
මේ සසර පැවැත්මක් නොවන්නේද, මහා හද ගිණි කඳ නොවන්නේය,
මමද සියලු සත්වයෝ මහා හද ගිණි කඳ දෙවන සසරෙන් මිදෙත්වා!
මේ සසර පැවැත්මක් වන්නේද, මහා දාහ ගිණි කඳ වන්නේය,
මේ සසර පැවැත්මක් නොවන්නේද, මහා දාහ ගිණි කඳ නොවන්නේය,
මමද සියලු සත්වයෝ මහා දාහ ගිණි කඳ දෙවන සසරෙන් මිදෙත්වා!
මේ සසර පැවැත්මක් වන්නේද, මහා සෝක ගිණි කඳ වන්නේය,
මේ සසර පැවැත්මක් නොවන්නේද, මහා සෝක ගිණි කඳ නොවන්නේය,
මමද සියලු සත්වයෝ මහා සෝක ගිණි කඳ දෙවන සසරෙන් මිදෙත්වා!
මේ සසර පැවැත්මක් වන්නේද, මහා රාහ ගිණි කඳ වන්නේය,
මේ සසර පැවැත්මක් නොවන්නේද, මහා රාග ගිණි කඳ නොවන්නේය,
මමද සියලු සත්වයෝ මහා රාග ගිණි කඳ දෙවන සසරෙන් මිදෙත්වා!
මේ සසර පැවැත්මක් වන්නේද, මහා බැඳුනු බැමි වන්නේය,
මේ සසර පැවැත්මක් නොවන්නේද, මහා බැඳුනු බැමි නොවන්නේය,
මමද සියලු සත්වයෝ මහා බැඳුනු බැමි දෙවන සසරෙන් මිදෙත්වා!
මේ සසර පැවැත්මක් වන්නේද, අනන්ත දුක් ගිණි කඳ වන්නේය,
මේ සසර පැවැත්මක් නොවන්නේද, අනන්ත දුක් ගිණි කඳ නොවන්නේය,
මමද සියලු සත්වයෝ අනන්ත දුක් ගිණි කඳ දෙවන සසරෙන් මිදෙත්වා!
මමද සියලු සත්වයෝ අනන්ත දුක් ගිණි කඳ දෙවන සසරෙන් මිදෙත්වා!
මමද සියලු සත්වයෝ අනන්ත දුක් ගිණි කඳ දෙවන සසරෙන් මිදෙත්වා!
සාධුකාරයක් දෙන්ට…
අද මේ පිංවත් පිරිස සීල, සමාධි, ප්‍රඥා ගුණ පූර්ණය කරගෙන නිවන් සාක්ෂාත් කරගැනීමේ පරම අධිෂ්ඨානය තබාගෙනයි මේ පෙහෙවස් සමාදානයෙන් යුක්තව අනන්ත අප්‍රමාණ ලෝක සත්වයින් කෙරෙහි සාසන මෛත්‍රී චිත්තය විහිදුවමින් මේ ආකාරයෙන් ගතකරන්නේ කියා සිහිකරගන්ට ඕනේ. අද මේ පිංවතුන් මේ ආකාරයෙන් යන එන, කරන කියන, කතා කරන, කතා නොකරන, වටපිට බලන, සෑම ඉරියවුවක්ම පවත්වන මොහොතක් පාසාම උතුම් වූ සාසන සතිපට්ඨාන මාර්ගය වඩන්ට පුරුදුවෙන්න ඕනෑ. තමන් කරන්නාවූ දේ, කියන්නාවූ දේ, හිතන්නාවූ දේ ඇත්ද, රාගයට, ද්වේෂයට, මෝහයට හේතුවෙන බව පේනවා නම් වහාම පහකර දමන්ට, ඉවත්කර දමන්ට පුරුදුවෙන්ට ඕනෑ. රාගක්ෂයට, ද්වේෂක්ෂයට, මෝහක්ෂයට හේතුවෙන දේ පේනවා නම් ඒවා ඇසුරු කරන්න පුරුදුවෙන්ට ඕනෑ.
එබඳු ආකාරයෙන් තමන්ගේ සියලු ක්‍රියා කලාපය හසුරුවාගෙන පුහුණු කරගන්ට ඕනෑ. හිතිවිලි හසුරුවාගන්ට පුහුණු කරගන්ට පුළුවන් වෙන්ට ඕනෑ. දැනීම්, හැඳිනීම්, වේදනා ආදිය හඳුනාගෙන ඒ වාගෙම ඒ අනුව හසුරුවාගන්න පුළුවන් වෙන්ට ඕනෑ. මේ ආකාරයෙන් ලෝක ධර්මතාවය ගැන සිහිකරනකොටත් ඒ ආකාරයෙන්ම ඒ අලෝභ, අද්වේෂ, අමෝහ ගුණයෙන් යුක්ත වෙලා, ලෝභක්ෂයට, ද්වේෂක්ෂයට, මෝහක්ෂයට හේතුවෙන ආකාරයෙන් සිහිකරන්ට පුරුදුවෙන්ට ඕනෑ.
මෙසේ සිහිකරන මේ පිංවතුන් නිරන්තරයෙන් සතර සතිපට්ඨානය වැඩෙනවා, ඒ වාගෙම ආර්ය අෂ්ඨාංගික මාර්ගය පූර්ණය වෙනවා, සප්ත බොජ්ඣංග ධර්ම පූර්ණය වෙනවා, විද්‍යා විමුක්ති ඵල සාක්ෂාත් කරගැනීම නැමැති උතුම් නිවන් සාක්ෂාත් කරගැනීම සිද්ධ වෙනවා. ඒ නිසා මේ ආකාරයෙන් අද දවස තුළ කාලය ගතකරන්න හුරු පුරුදු කරගන්ට ඕනෑ.
ඒ වාගෙම මේ පිංවතුන් කෙරෙහි දාන මාන පූජා සත්කාර සිද්ධකරන පිංවත් පිරිස කවුරුන් උදෙසාද ඒ සිද්ධ කරන්නෙ, භික්ෂු භික්ෂුණී උපාසක උපාසිකා කියන්නාවූ සිවුවනක් පිරිස අතරෙහි ගැලපෙන පිරිස් හැටියට සිහිකරලයි ඒ සිවුවනක් පිරිස් අතරේ… (ඉතිරි කොටස පටිගත වී නොමැත)
~ අතිපූජ්‍ය වහරක අභයරතනාලංකාර මාහිමිපාණන් වහන්සේ ~
දේශනාව උපුටා ගන්නා ලද්දේ : https://waharaka.com/listen/CD004-07